Fjórir karlmenn voru handteknir við heimili rapparans Dr Dres í nótt grunaðir um að hafa reynt að brjótast inn til hans. Dr Dre liggur nú inni á spítala eftir að hann fékk slagæðargúlp í heila.
Greint var frá því í fjölmiðlum í gær að rapparinn lægi inni á spítala en að sögn lögreglunnar lásu innbrotsþjófarnir fréttirnar og hugsuðu sér gott til glóðarinnar. Dr Dre greindi einnig frá veikindum sínum á samfélagsmiðlum.
Þeir komust hins vegar ekki langt því lögreglan gómaði þá áður en þeir komust inn í aðalbygginguna. Öryggisverðir voru í húsi Dr Dres þótt hann væri á spítala. Þegar lögregla kom á staðinn lögðu þjófarnir á flótta en voru þeir handteknir áður en þeir komust langt.