Veröld/Fólk | mbl | 2.3.2021 | 20:29 | Uppfært 3.3.2021 10:28

„Skitu upp á bak“ á aðalgigginu

Toymachine á sviði CBGB's á tónleikunum sem áttu að opna fyrir þeim allar dyr. Það gekk þó ekki hjá strákunum en nú er komin út ný plata sveitarinnar sem hefur fengið fínar viðtökur. Ljósmynd/Aðsend

Þegar mest lá við skitu liðsmenn norðlensku hljómsveitarinnar Toymachine „upp á bak“ á tónleikastaðnum goðsagnakennda CBGB's í New York fyrir fullu húsi af bransafólki rétt fyrir aldamótin. Þannig kemst Atli Hergeirsson, bassaleikari sveitarinnar, að orði í hlaðvarpsþætti þar sem hann fer yfir sögu sveitarinnar en Toymachine gaf nýlega út plötuna Royal Inbreed.

Tónleikarnir fóru fram í nóvember árið 1999 en sveitinni hafði verið boðið til New York til að mynda sambönd í tónlistarbransanum. Í þættinum fer Atli yfir þessa ferð sem hefur verið afar viðburðarík því skömmu síðar lagði sveitin upp laupana og liðsmenn sneru sér að öðrum verkefnum. Trommarinn Baldvin Z fór að sjálfsögðu í kvikmyndagerð og Jens söngvari gekk t.a.m. til liðs við Brain Police.

Farið er yfir alla söguna í fimmta hlaðvarpsþætti Hljóðverks sem er að finna hér.

Hægt er að hlusta á nýju plötu sveitarinnar hér að neðan.