Hljómsveitin Kaleo sendi frá sér í dag tónlistarmyndband við lagið Skinny sem kom út í byrjun apríl. Myndbandið er tekið upp við eldgosið í Geldingadölum en þar má sjá Jökul Júlíusson spila á gítar og syngja.
Myndbandið er ansi tilkomumikið en það sýnir eldgosið í sínum flottasta búningi, lýsa upp myrkrið.
Lagið er af tilvonandi plötu sveitarinnar, Surface Sounds, sem kemur út hinn 23. apríl.
Myndbandið hefur nú þegar fengið mikla athygli og á aðeins nokkrum klukkustundum hafa tugþúsundir horft á það.
Þetta er ekki í fyrsta skipti sem íslensk náttúra er í forgrunni í tónlistarmyndbandi Kaleo en myndbandið við lagið Break my baby var tekið upp á Þrídröngum.