Ashley Walters, fyrrverandi aðstoðarkona tónlistarmannsins Marilyns Mansons, hefur kært Manson fyrir líkamsárás, kynferðisofbeldi og kynferðisáreitni. 

Lögmenn Walters skiluðu inn kærunni til dómstóla í Los Angeles-sýslu á þriðjudag. Í gögnum málsins kemur fram að hann hafi verið ofbeldisfullur yfirmaður sem skelfdi undirmenn sína, sagði vinum sínum að þeir mættu brjóta á Walters kynferðislega og að hann hafi látið hana vinna 48 tíma samfleytt.

Lögfræðingateymi Mansons neitar ásökunum. 

Lögmenn Walters segja Manson hafa „notað valdastöðu sína, frægð og tengsl til þess að níðast“ á fyrrverandi starfsmanni sínum. Þar segir að Walters hafi verið 26 ára þegar hún kynntist honum fyrst. Það var árið 2010.

Hann sendi henni skilaboð á MySpace og hrósaði henni fyrir vinnu sína en hún er ljósmyndari. Walters fór í heimsókn til hans í Hollywood til að skoða listaverk hans og ræða mögulegt samstarf.

BBC

Tengdar fréttir

Kynferðisbrot í Hollywood

Sakar Vin Diesel um kynferðisbrot á hóteli

• Höfðar mál gegn Weinstein og Disney
• Kanna ásakanir á hendur Russell Brand
• Ásakanir á hendur Brand veki upp spurningar
• Brand sakaður um kynferðisbrot

» Fleiri tengdar fréttir

• Blogga um frétt