Körfuboltateiknimyndin Space Jam 2 var frumsýnd í Hollywood á dögunum. Leikarar og boðsgestir tóku sig vel út á rauða dreglinum, sem var fjólublár að þessu sinni. Þar mátti sjá körfuboltamanninn Lebron James og eiginkonu hans Savönnuh Brown ásamt dóttur þeirra Zhuri.
Lebron James fylgir í fótspor körfuboltamannsins Michaels Jordans sem lék aðalhlutverkið í fyrstu Space Jam-myndinni sem kom út á níunda áratug síðustu aldar.
Söng- og leikkonan Zendaya, sem sló í gegn í þáttaröðinni Euphoria, mætti í litríkum Moschino-samfestingi og með skart úr B.zero1-línu Bvlgari. Hún fer með hlutverk Lólu Bunný í myndinni sem kemur í bíóhús hér á landi um þessa helgi.