Franski leikarinn Jean-Paul Belmondo er látinn, 88 ára að aldri. Belmondo var ein stærsta kvikmyndastjarna Frakklands en hann sló í gegn á sjöunda áratug síðustu aldar. Hann hefur farið með hlutverk í fjölda franskra kvikmynda.
Belmondo lést á heimili sínu í París. Fjölskylda hans greindi frá andlátinu í dag. „Hann hafði verið mjög þreyttur í nokkurn tíma. Hann fór í friði,“ sagði fjölskylda hans í tilkynningu sinni.
Belmondo sló í gegn í kvikmyndum á borð við Breathless og lék seinna í fjölda annarra kvikmynda. Hann var fæddur 9. apríl árið 1933 í Neuilly-sur-Seine hverfi í París. Hann var fæddur inn í fjölskyldu listamanna en faðir hans var vel þekktur fyrir skúlptúra sína.
Franska þjóðin dáði og dýrkaði Belmondo og hafa margir minnst hann í dag. Francois Hollande, fyrrverandi forseti Frakklands, sagði að allir hefðu viljað vera vinir hans.