Felix Danaprins, sonur Jóakims Danaprins, er hættur í herskóla að því er fram kemur í tilkynningu á vef dönsku konungshallarinnar í dag. Felix er 19 ára og hóf nám við skólann í ágúst. Ástæðan er sögð einkamál Felix og ekki greint nánar frá henni. 

Felix er sonur Jóakims og fyrrverandi eiginkonu hans, Alexöndru greifynju. Nikolai, eldri bróðir Felix hætti einnig í herskóla eftir tveggja mánaða nám fyrir nokkrum árum. Talskona Alexöndru segir á vef Ekstra Bladet að prinsinn ætli að taka sér tíma til þess að ákveða hvað hann vilji gera. 

Jóakim faðir drenjanna fór í herskóla og hefur starfað á því sviði. Konunglegur sérfræðingur segir í viðtali við Ekstra Bladet að ákvörðun Felix sé merki um að yngri kynslóðin í konungsfjölskyldunni taki eigin ákvarðanir í stað þess að fylgja hefðum fjölskyldunnar. Stóri bróðir Felix fór seinna í viðskipaháskólann í Kaupmannahöfn auk þess sem hann hefur starfað sem fyrirsæta fyrir stór tískuhús. 

Felix með fjölskyldu sinni. Frá vinstri eru Nikolai prins, Marie prinsessa, Aþena prinsessa, Jóakim prins og Felix prins með Hinrik prins í fanginu. Kongehuset.dk/Steen Brogaard

Tengdar fréttir

Kóngafólk

Katrín snúin aftur til starfa

• Meghan Markle var klippt út af afmælismynd
• Sonur krónprinsessunnar handtekinn aftur
• Harry prins verður fertugur um helgina
• Katrín hefur lokið við lyfjameðferð vegna krabbameins

» Fleiri tengdar fréttir

• Blogga um frétt