Að leika Díönu olli kvíða
Setja bókamerki
Leikkonan Kristen Stewart segir það hafa valdið sér miklum kvíða að túlka Díönu prinsessu í kvikmyndinni Spencer. Hún hafi ekki getað opnað munninn í tvær vikur áður en tökur hófust.
Spencer fjallar um þrjá daga í lífi Díönu yfir jólin 1991, rétt áður en hún og Karl Bretaprins skildu að borði og sæng. Í viðtali við BBC segist í raun ekki hafa áttað sig á því hversu kvíðin hún var fyrr en hún gat ekki opnað munninn.
Pablo Lorrain leikstýrir kvikmyndinni en kvikmynd hans Jackie, um Jacqueline Kennedy, var tilnefnd til Óskarsverðlauna árið 2017. Lorrain sagði Stewart að slaka á og treysta ferlinu.
Stewart hefur áður farið með hlutverk í Twilight-kvikmyndunum. „Ég á ekki mjög þróað eða skilgreint samband við konungsfjölskylduna. Ég ólst ekki upp við að fylgjast með þeim,“ sagði Stewart en tók þó fram að hún byggi á plánetunni jörð og hefði vissulega vitað hver Díana var.
Las allt
Til að undirbúa sig fyrir hlutverk Díönu las hún allt sem hún gat fundið um prinsessuna. „Ég vildi hverja einustu mynd, ég horfði á öll viðtölin sem ég komst yfir.“ Hún horfði líka á The Crown, eða Krúnuna, til að stúdera hvernig aðrar leikkonur túlkuðu hana.
Hún fann til mikillar ábyrgðar að túlka Díönu, sem var svo þekkt og svo elskuð. „Mig langaði til að verja hana. Ég þurfti að einbeita mér að öðru en hugmyndum annars fólks um hana, ég þurfti að hugsa um mína eigin hugmynd um hana. Og það var í sjálfu sér svo fjarlægt mér og sérhæft,“ sagði Stewart.
Ekki hópuppsögn að segja upp fastri yfirvinnu
„Verða bara eins og „zombíar““
Enn langt í að rannsókn málsins ljúki
Konur álitnar annars flokks borgarar
Segja 20 liðsmenn Hisbollah látna
Einróma stuðningur við virkjanir
„Hví erum við dýrasta land í heimi?“