Leikaranum Alec Baldwin var tjáð af aðstoðarleikstjóra að leikmunabyssa sem hann skaut voðaskoti af, með þeim afleiðingum að tökumaður lést, væri örugg, að því er fram kemur í dómsskjölum. 

Aðstoðarleikstjórinn Dave Halls vissi ekki af því að byssan væri hlaðin og gaf til kynna að hún væri ekki hlaðin með því að kalla „köld byssa!“ (e. cold gun). 

Tökumaðurinn sem lést hét Halyna Hutchins. Þá særðist leikstjórinn Joel Souza, sem stóð á bak við Hutchins, einnig. Hann var fluttur á bráðamóttöku þar sem gert var að sárum hans. Souza hefur nú verið útskrifaður. 

Frétt af mbl.is

Alec Baldwin varð tökumanni að bana

Frekari upplýsingar um lögreglurannsóknina voru birtar í gær. Þar kom fram að föt Baldwins, sem blóð hafði slest á, hafi verið tekin sem sönnunargögn. Þá voru skothylki og önnur vopn á setti einnig fjarlægð af lögreglu. 

Baldwin hefur verið yfirheyrður af lögreglu en enginn hefur verið ákærður vegna atviksins. 

Tengdar fréttir

Alec Baldwin

Máli Alecs Baldwin vísað frá dómi

• Alec Baldwin gæti hlotið 18 mánaða dóm
• Réttarhöld að hefjast yfir Baldwin
• Alec Baldwin áreittur af stuðningsmanni Palestínu
• Sögð hafa verið timbruð þegar hún hlóð byssuna

» Fleiri tengdar fréttir

• Blogga um frétt