Rooney-hjónin saman eftir mikla erfiðleika

Knattspyrnumaðurinn Wayne Rooney og eiginkona hans Coleen láta ekki oft sjá sig saman opinberlega. Þau mættu þó saman á frumsýningu myndarinnar ROBBO: The Bryan Robson Story í Manchester á fimmtudaginn og brostu framan í myndavélarnar. 

Rooney-hjónin hafa gengið í gegnum súrt og sætt í hjónabandi sínu en allt virtist leika í lyndi á frumsýningu myndarinnar um knattspyrnustjörnuna Bryan Robson. Hjónin byrjuðu saman sem unglingar og hafa gengið í gegnum margt.

Það hafa oft birst skilnaðarfréttir í fjölmiðlum og sögur af drykkjuvandræðum fótboltakappans ósjaldan á síðum breskra götublaða. Hjónin, sem eiga fjóra syni, eru þó enn saman eins og sést á myndunum og er Rooney búin að fyrirgefa eiginmanni sínum. „Ég fyr­ir­gaf hon­um en þetta var óviðun­andi,“ sagði frú Roo­ney um skan­dal sem átti sér stað með þrem­ur vænd­is­kon­um árið 2002. 

Frétt af mbl.is

Búin að fyrirgefa Rooney

Coleen og Wayne Rooney mættu saman á frumsýningu ROBBO: The Bryan Robson Story. AFP

• Blogga um frétt