Bandaríska leikkonan og fyrirsætan Julia Fox deildi sjóðandi heitu myndskeiði í sögu á Instagram á dögunum þar sem sjá má hana og nýja kærastann, tónlistarmanninn Kanye West, í ástríðufullum faðmlögum og kossaflensi.
Turtildúfurnar sáust fyrst opinberlega saman á gamlárskvöld og hafa haldið fast hvort í annað síðan.
„Ég hitti Ye í Miami á gamlárskvöld og það neistaði strax á milli okkar,“ sagði Fox á Instagram. „Orka hans er svo skemmtileg og það er svo gaman að vera í kringum hann,“ sagði hún jafnframt.
Veftímaritið Interview Magazine náði myndum af parinu sem sýna ástríðufullt stefnumót þeirra. Kossar og órjúfanleg faðmlög einkenna myndirnar en parið veltist um gólf í faðmlögum. Það er því viðeigandi að velta því fyrir sér hvort Kanye West sé nú loks kominn yfir fyrrverandi eiginkonu sína, athafnakonuna Kim Kardashian.