Gísli Örn mun leikstýra norsku þáttunum Exit

Gísli Örn Garðarsson leikari kemur til með að leikstýra þriðju þáttaröð norsku þáttanna Exit, sem notið hafa gríðarlegra vinsælda undanfarin tvö ár.

Gísli sagði frá þessu í útvarpsþættinum Bakaríinu í dag.

Frétt af mbl.is

Meira kókaín og fleiri vændiskonur í Exit 2

Exit hafa verið sýndir á Ríkisútvarpinu hér á landi og fjalla um fjóra vini sem allir starfa í norska fjármálageiranum. Í þáttunum er nær gengið fram af áhorfendum með siðblindu vinanna fjögurra, eiturlyfjaneyslu þeirra, vændiskaupum og glæfraskap í viðskiptum.

Gísli sagði í Bakaríinu að hann þekkti vel þá sem kæmu að framleiðslu þáttanna þar sem hann hefði dvalið mikið í Noregi.

Gísli hefur undanfarið birst landsmönnum á skjánum sem sjávarútvegsráðherrann Jón Hjaltalín í Verbúðinni á Rúv.

• Blogga um frétt