Þýski leikstjórinn Wolfgang Petersen er látinn 81 árs að aldri. Hann leikstýrði meðal annars kvikmyndunum Das Boot og Air Force One.
Banamein hans var krabbamein í brisi en talsmaður hans greindi frá andláti hans. Hann lést á heimili sínu í Los Angeles á föstudag.
Petersen leikstýrði fremstu stjörnum Hollywood, þar á meðal Clint Eastwood, Dustin Hoffman, George Clooney, Harrison Ford og Brad Pitt. Ferill hans spannar yfir fimm áratugi.
Leikstjórinn var fæddur í Emden í Þýskalandi árið 1941 en hans fyrsta kvikmynd sem sló í gegn fjallaði um seinni heimstyrjöldina, Das Boot, og byggir á samnefndri skáldsögu. Hann var tilnefndur til tveggja Óskarsverðlauna fyrir myndina árið 1983.
Petersen var kvæntur Mariu Antoinette og lætur hann eftir sig einn uppkominn son og tvö barnabörn.