Látin 32 ára að aldri

Suðurafríska leikkonan Charlbi Dean er látin 32 ára að aldri. Dean lést á sjúkrahúsi í New York í Bandaríkjunum í gær, en dánarorsök hennar er enn ókunn þó sagt hafi verið að hún hafi látist skyndilega.

Dean fór með hlutverk í kvikmyndinni Triangle of Sadness sem hlaut Gullpálmann á kvikmyndahátíðinni Cannes nú í vor. Þar lék hún á móti leikaranum Woody Harrelson.

Fyrirhugað er að sýna kvikmyndina á kvikmyndahátíðum í Torontó og New York seinna á þessu ári.

Dean var fædd í Höfðaborg 5. febrúar árið 1990. Þegar hún var aðeins 12 ára gömul skrifaði hún undir samning hjá umboðsskrifstofu fyrir fyrirsætur. Hennar fyrsta hlutverk í kvikmynd fékk hún þegar hún var tvítug, en hún er hvað þekktust fyrir að fara með hlutverk Syonide í þáttunum Black Lightning. 

Frétt af mbl.is

Triangle of Sadness fær Gullpálmann

• Blogga um frétt