Deilur hjónanna Toms Bradys og Gisele Bündchen virðast ætla að halda áfram, en Bündchen mætti ekki á fyrsta heimaleik Bradys á tímabilinu þrátt fyrir að börn þeirra hafi mætt til að hvetja pabba sinn áfram.
Síðastliðnar vikur hafa hjónin átt í hörðum deilum vegna ákvörðunar Bradys um að snúa aftur á völlinn og hefja feril sinn á ný í NFL-deildinni í amerískum fótbolta. Samkvæmt heimildum Page Six höfðu Bündchen og Brady komist að samkomulagi um að hann myndi leggja skóna á hilluna og einbeita sér að fjölskyldunni, en hann hafi svo skipt um skoðun.
Á sunnudaginn tók Brady og lið hans, Buccaneers, á móti Green Bay Packers í fyrsta leik sínum á þessu tímabili, en leikurinn fór fram á Raymond James-leikvanginum í Flórída.
Brady og Bündchen eiga tvö börn saman, en fyrir átti Brady son með fyrrverandi unnustu sinni, Bridget Maynohan. Samkvæmt heimildamanni People var elsti sonur hans viðstaddur leikinn ásamt systkinum sínum.