Mannréttindalögfræðingurinn Amal Clooney og leikarinn George Clooney hafa verið dugleg að sýna sig að undanförnu aðdáendum þeirra til mikillar gleði. Hollywood-leikarinn er ánægður með spúsu sína á rauða dreglinum sem dregur fram hvern kjólinn á fætur öðrum. 

Í lok september voru Albie-verðlaunin afhent við hátíðlega athöfn á almenningsbókasafninu í New York. Verðlaunin eru hluti af góðgerðarverkefni hjónanna. Hjónin litu glæsilega út eins og aðrar stjörnur sem mættu. Skærast skein stjarna Amal Clooney, sem var í gylltum kjól frá Versace í anda þriðja áratugar síðustu aldar. 

George Clooney er nýbúinn að frumsýna myndina sína Ticket to Paradise. Þau Amal litu út fyrir að vera á leiðinni í paradís þegar þau mættu á frumsýningu í september í Lundúnum. Var Clooney heldur betur kátur á rauða dreglinum.