Sagði Streep einnig hafa verið gifta Clooney
Setja bókamerki
Mannréttindalögfræðingurinn Amal Clooney tók við verðlaunum á dögunum fyrir framlag sitt til frjálsrar fjölmiðlunar. Það var stórleikkonan Meryl Streep sem veitti Clooney verðlaunin í gegnum fjarfundarbúnað.
Í þakkarræðu sinni sagði Amal að Meryl væri mikil fyrirmynd. Hún hefði ekki roð við þeim fjölda verðlauna sem Streep hefði fengið en þó ættu þær eitt sameiginlegt.
„Við vorum báðar giftar eiginmanni mínum. Og til að vera hreinskilin þá gerir sú staðreynd að þið voruð herra og frú Fantastic Fox þetta aðeins minna vandræðalegt,“ sagði Clooney í ræðu sinni áður en hún vék að alvarlegri málefnum.
Meryl Streep og George Clooney hafa unnið saman að mörgum verkefnum en þau töluðu fyrir hjón í teiknimyndinni Fantastic Mr. Fox. Myndin var tilnefnd til óskarsverðlauna árið 2009.
Clooney var ekki að grínast þegar hún hafði orð á fjölda verðlauna Streep. Leikkonan hefur hlotið þrenn óskarsverðlaun og verið tilnefnd oftar en nokkur annar leikari eða 21 sinni.
Shakespeare fannst í skókassa
Sex hafa greinst með listeríu
/frimg/1/48/74/1487454.jpg)
Heldur inn í nóttina tuttugu kílóum léttari
Gígbarmurinn hækkað frá því í gær
Krefjast stöðvunar framkvæmda
Frambjóðendur skila inn listum í Hörpu
Kaldasti veturinn kom að óvörum
„Höfum ekki náð að skríða upp úr þeirri gryfju“