Íslandsvinurinn Bam Margera liggur inni á spítala með lungnabólgu. Er hann með kórónuveiruna og í öndunarvél.
TMZ greinir frá og hefur eftir heimildarmanni sínum að Margera hafi verið lagður inn á sjúkrahús í San Diego fyrr í vikunni. Þar hafi hann greinst með kórónuveiruna og síðar var hann settur í öndunarvél. Er hann á gjörgæslu en ástand hans stöðugt.
Margera hefur farið nokkrum sinnum í áfengismeðferð á þessu ári. Hann er hvað þekktastur fyrir að hafa verið í þáttunum Jackass. Hann er líka mikill Íslandsvinur og kvæntist Nikki Boyd hér á Íslandi árið 2013.