„Sameinuð með tónlist“. Það er slagorð Eurovision-söngvakeppninnar sem fer fram í Liverpool í Bretlandi í maí. Slagorðið sem og merki keppninnar voru gerð opinber í morgun enda Eurovision-vertíðin að hefjast fyrir alvöru. Bretland heldur keppnina ásamt Úkraínu og eru litir þjóðfána landanna áberandi í merkinu.
Í kvöld mun fara fram athöfn í St. George’s Hall í Liverpool en þá mun borgin formlega taka við Eurovision-keppninni. Athöfnin verður í beinni útsendingu á BBC Two. Í kvöld kemur einnig í ljós á hvoru undankvöldinu Ísland mun keppa. Undankvöldin verða 9. og 11. maí en úrslitakvöldið er 13. maí.
Úkraína vann á síðasta ári en vegna innrás Rússa í landinu fer keppnin fram í Bretlandi, en Bretar lentu í öðru sæti.