Beyoncé heiðraði minningu Tinu Turner

Söngkonan Beyoncé heiðraði minningu Tinu Turner, sem lést í síðustu viku, 83 ára að aldri, með því að flytja lag hennar River Deep, Mountain High fyrir tónleikagesti í Lundúnum í gærkvöldi. 

Frétt af mbl.is

Einstakur söngferill að baki

Söngkonan flutti rólegri útgáfu af laginu og áttu aðdáendur í engum vandræðum með að taka undir og heiðra drottningu rokksins. Nokkrum dögum áður, á tónleikum sínum í París, flutti Beyoncé rafmagnaða útgáfu af einu þekktasta lagi Turner, Proud Mary, og gerði allt vitlaust. 

Frétt af mbl.is

Heiðraðu Tinu Turner með þessum lögum

„Mig langar bara að taka eitt augnablik og heiðra Tinu Turner. Ef þú ert aðdáandi minn, þá ertu aðdáandi Tinu Turner,“ sagði söngkonan við allt fólkið sem var samankomið á Renaissance-tónleikum hennar í París. 

„Ég væri ekki á þessu sviði án hennar, svo ég vil heyra ykkur öskra, hún á að finna fyrir ást ykkar. Mér finnst ég svo heppin, ég fékk að verða vitni að ljóma hennar,“ sagði Beyoncé að lokum. 

• Blogga um frétt