Skaðabætur vegna salernisskorts

Þjóðverji sem var í spreng í tvær klukkustundir í yfirfullri lest þar sem ekkert salerni var að finna, hlaut andvirði rúmlega 25 þúsund króna í skaðabætur fyrir það sem dómstóll segir hafa verið kvalafullar þjáningar hans, að því er segir í frétt Reuters.

Dómstóll í Frankfurt fyrirskipaði fyrirtækinu Þýskum lestum að greiða manninum, sem staulaðist um hraðlestina, datt um fólk sem sat á göngunum, þar sem hann leitaði árangurslaust að salerni sem var í lagi. Öll salerni í lestinni, sem var á leið frá Frankfurt til Dresden, voru lokuð þar sem ekki var rennandi vatn í þeim. Aðeins eitt salerni var í lagi en farþegum var ekki leyft að nota það. Þó fékk einn farþegi, sem var lykilvitni í málinu, að nota salernið eftir að hafa nauðað í farmiðasölumanni.