Sjö ára í ökuferð á bíl ömmu

Lögreglan ræddi við drengina um að þeir væru fullungir til …
Lögreglan ræddi við drengina um að þeir væru fullungir til að keyra. mbl.is/Eggert

Mildi þykir að ekki fór verr þegar tveir hollenskir bræður, fimm og sjö ára, stálust í bíltúr á bíl ömmu sinnar og keyrðu á staur eftir 1,5 km ferðalag.

„Lögreglumaður í hefðbundinni eftirlitsferð sá bílinn uppi á gangstétt, dyrnar opnar og tvo unga stráka standa við hlið hans,“ sagði talsmaður lögreglunnar í Bloemendaal. „Eldri drengurinn sagði lögreglunni að hann hefði ekið bílnum um einn og hálfan kílómetra, keyrt á staur og numið staðar.“ Sagði hann við lögregluna að hann hefði þó verið í belti og bróðir hans í bílstól.

Farið var með þá bræður á lögreglustöð og rætt við þá. „Þeir voru síðan sóttir en sem betur fer voru þeir báðir ómeiddir,“ sagði talsmaðurinn. Aftur á móti væri tjónið á bílnum og staurnum umtalsvert.

mbl.is

Stjörnuspá »

Hrútur

Sign icon Þú ert oft varaður við því að láta ekki tímann renna þér úr greipum. Ekki halda áfram að gera og segja hluti endurtekið einungis vegna venjunnar.

Stjörnuspá »

Hrútur

Sign icon Þú ert oft varaður við því að láta ekki tímann renna þér úr greipum. Ekki halda áfram að gera og segja hluti endurtekið einungis vegna venjunnar.