Heimsfaraldri kórónuveirunnar er hvergi nærri lokið að sögn Alþjóðaheilbrigðismálastofnunarinnar. Stofnunin varar við því sjónarmiði að Ómíkron-afbrigði veirunnar sé hættulaust.
Heimsfaraldri kórónuveirunnar er hvergi nærri lokið að sögn Alþjóðaheilbrigðismálastofnunarinnar. Stofnunin varar við því sjónarmiði að Ómíkron-afbrigði veirunnar sé hættulaust.
Heimsfaraldri kórónuveirunnar er hvergi nærri lokið að sögn Alþjóðaheilbrigðismálastofnunarinnar. Stofnunin varar við því sjónarmiði að Ómíkron-afbrigði veirunnar sé hættulaust.
Tedros Adhanom Ghebreyesus, forstjóri stofnunarinnar, sagði við blaðamenn í Genf í dag að Ómíkron-afbrigði veirunnar dreifist á ógnarhraða og varasamt sé að gera lítið úr afbrigðinu líkt og nokkuð hefur borið á.
Umræðan um Ómíkron hefur meðal annars snúist um þá spurningu hvort Covid-19 hafi þróast úr heimsfaraldri yfir í landlægan sjúkdóm sem hægt sé að lifa með líkt og inflúensa er.
„Mikil fjölgun smita, sama hversu skæð ákveðin afbrigði eru, leiðir óhjákvæmilega til aukinna innlagna á sjúkrahús og dauðsfalla,“ sagði Michael Ryan, yfirmaður neyðarmála hjá stofnuninni, á blaðamannafundinum í dag.
„Ómíkron gæti verið minna alvarlegt, en það sjónarmið að um mildan sjúkdóm sé að ræða er misvísandi,“ sagði Ryan.
Samkvæmt Alþjóðaheilbrigðismálastofnuninni eru um 45 þúsund dauðsföll af völdum Covid-19 tilkynnt vikulega á heimsvísu.