19.000 þáðu bólusetningu

Kórónuveiran COVID-19 | 12. október 2022

19.000 þáðu bólusetningu

Um það bil 19 þúsund íbúar höfuðborgarsvæðisins 60 ára og eldri þáðu bólusetningu í tveggja vikna átaki í Laugardalshöll sem lauk í síðustu viku. Átakið gekk mjög vel og almennt var mikil ánægja meðal þeirra sem komu með þjónustuna að sögn Heilsugæslu höfuðborgarsvæðisins. 

19.000 þáðu bólusetningu

Kórónuveiran COVID-19 | 12. október 2022

Samtals þáðu 19.002 bólusetningu á meðan átakinu stóð. Boðið var …
Samtals þáðu 19.002 bólusetningu á meðan átakinu stóð. Boðið var upp á bólusetningu gegn Covid-19 og voru alls 13.125 skammtar gefnir. mbl.is/Eggert Jóhannesson

Um það bil 19 þúsund íbúar höfuðborgarsvæðisins 60 ára og eldri þáðu bólusetningu í tveggja vikna átaki í Laugardalshöll sem lauk í síðustu viku. Átakið gekk mjög vel og almennt var mikil ánægja meðal þeirra sem komu með þjónustuna að sögn Heilsugæslu höfuðborgarsvæðisins. 

Um það bil 19 þúsund íbúar höfuðborgarsvæðisins 60 ára og eldri þáðu bólusetningu í tveggja vikna átaki í Laugardalshöll sem lauk í síðustu viku. Átakið gekk mjög vel og almennt var mikil ánægja meðal þeirra sem komu með þjónustuna að sögn Heilsugæslu höfuðborgarsvæðisins. 

Fram kemur í tilkynningu, samtals hafi 19.002 þegið bólusetningu á meðan átakinu stóð.

Boðið var upp á bólusetningu gegn Covid-19 og voru alls 13.125 skammtar gefnir. Aðeins var boðið upp á örvunarskammt fyrir þau sem voru með grunnbólusetningu fyrir. Samhliða var boðið upp á bólusetningu við inflúensu og gat fólk ráðið hvort það fékk bólusetningu við öðrum eða báðum sjúkdómunum. Alls voru gefnir 15.259 skammtar af bóluefni við inflúensu í átakinu í Höllinni, segir jafnframt.

Eftir að átakinu lauk hafa yfir 80 prósent landsmanna yfir 50 ára aldri fengið að minnsta kosti þrjá skammta af bóluefni og vel rúmur helmingur fólks á aldrinum 16 til 50 ára. Um helmingur landsmanna 70 ára og eldri hafa nú fengið fjóra skammta og þriðjungur fólks á aldrinum 60 til 69 ára að sögn heilsugæslunnar. 

Nú þegar bólusetningarátakinu í Laugardalshöll er lokið færast bólusetningar við bæði Covid-19 og inflúensu inn á heilsugæslustöðvarnar. 

mbl.is