Kínversk stjórnvöld hafna ásökunum Alþjóðaheilbrigðisstofnunarinnar (WHO) um ógagnsæi í upplýsingagjöf um Covid-19 faraldurinn. 

Skilgreiningin á Covid-dauðsfalli í Kína er afar þröng en samkvæmt opinberum tölum hafa 23 látið lífið í landinu vegna sjúkdómsins frá því í desember. WHO telur fjöldann vera mikið hærri og hefur gagnrýnt kínversk stjórnvöld fyrir að veita misvísandi upplýsingar. 

Frétt af mbl.is

Vilja að kínverskir ferðamenn verði skyldaðir í próf

Hröð útbreiðsla

Eftir tvö ár af ströngum samkomutakmörkunum í Kína ákváðu stjórnvöld í síðasta mánuði að slaka á sóttvarnaaðgerðum.

Samhliða þessum breytingum hefur útbreiðsla smita verið gífurlega hröð og álag á heilbrigðisstofnanir mikið. Gangar sjúkrahúsa eru yfirfullir af sjúkrarúmum og hafa læknar, hjúkrunarfræðingar og aðrir starfsmenn þurft að harka af sér veikindi til að sinna sjúklingum.

Frétt af mbl.is

Um 70% borgarbúa gætu hafa smitast af Covid

„Við teljum að tölurnar sem kínversk stjórnvöld hafa birt séu vanmat á raunverulegum áhrifum sjúkdómsins hvað varðar spítalainnlangir, innlagnir á bráðadeildir og sérstaklega dauðsföll,“ segir Michael Ryan, yfirmaður neyðarmála hjá WHO.

Frétt af mbl.is

Gangar sjúkrahúsa yfirfullir af sjúklingum