Það er mikið um að vera í sælkeraverslunum Me&Mu en auk þess að sérhæfa sig í vörum beint frá býli hafa þau lagt áherslu á sérstakar heilsuvörur. 

„Við höfum hafið innflutning á glútenlausum vörum frá Det glutenfrie verksted í Oslo. Fyrirtækið framleiðir gæðavörur sem eru glútenlausar og laktósalausar. Við finnum fyrir því að eftirspurn eftir glútenlausum vörum er að aukast. Úrvalið hefur hins vegar verið takmarkað og sumt sem í boði hefur verið er einfaldlega ekki nógu gott. Við erum komin með ýmsar gerðir af brauð- og kökumixi ásamt kexi. Við ætlum svo smám saman að auka úrvalið,“ segir Svein­björg Jóns­dótt­ir, annar eigandi verslunarinnar.

„Eins erum við með mikið magn hágæða íslensks vítamíns og fæðubótarefna sem unnin eru úr hreinum afurðum úr íslenskri náttúru. Meðal þeirra eru vörur frá Arctic Health sem eru frábær íslensk vítamín,“ segir Sveinbjörg en Me&Mu eru með verslun á Garðatorgi í Garðabæ og í Gróðurhúsinu í Hveragerði.

Ljósmynd/Det Glutenfrie Verksted