Beverly Hills hótelið er sögufrægt hótel sem hefur yfir sér klassískt Hollywood yfirbragð þar sem bleikir og grænir litir ráða ríkjum. Hótelið var byggt árið 1912 og lagið Hotel California eftir The Eagles er lauslega byggt á sögu hótelsins.

Nú hefur tískumerkið Dior tekið yfir og endurhannað sundlaugarsvæðið í takmarkaðan tíma. Engu er til sparað. Þar má eingöngu finna Dior-muni hvort sem um er að ræða sólhlífar eða ís sölubás. Þá er þar einnig búð sem selur auðvitað helstu Dior vörurnar.

Allt hefur verið málað bleikt og eru bastútihúsgögn áberandi. Meira að segja er kampavínið haft bleikt. 

Sjón er sögu ríkari en nóttin á hótelinu kostar frá 100 þúsund krónum.

Beverly Hills Hotel í Kaliforníu á sér enga hliðstæðu. Skjáskot/Instagram

Þarna er allt til alls. Skjáskot/Instagram

Hótelið er sjarmerandi og hefur haldið í anda liðins tíma. Skjáskot/Instagram

Sundlaugarsvæðið er glæsilegt. Skjáskot/Instagram

Í heilsulindinni má fara í Dior-þrungið dekur. Skjáskot/Instagram