Sandra Erl­ings­dótt­ir landsliðskona og at­vinnumaður í hand­bolta á heiður­inn af vikumat­seðlin­um að þessu sinni. Hún leggur áherslu á að borða hollan og góðan mat og velja næringu sem gefur henni orku út daginn.

Búsett í Þýskalandi með kærastanum sínum

Sandra er bú­sett í Þýskalandi ásamt kærastanum sínum, Daníel Þór Ingasyni en þau eru bæði atvinnumenn í handbolta. Sandra spil­ar með Tussies Metzingen og Daníel spilar með HBW Balingen-Weilstetten. Hún er einnig eig­andi nær­ing­arþjálf­un­ar­inn­ar Ps. Árang­urs sem er nær­ing­arþjálf­un fyr­ir fólk á öll­um aldri.

Leyfi mér allt í hófi

Aðspurð segir Sandra að öll hennar helstu áhuga­mál snú­ist um hreyf­ingu, mataræði og  öllu í raun sem teng­ist heil­brigðum lífs­stíl. „Ég hef talið macros í mörg ár sem hjálp­ar mér að fá inn nóg af nær­ingu úr hverj­um nær­ing­ar­flokk fyr­ir sig sem er mjög mikilvægt að hafa í huga þegar við nærumst. Það hefur hjálpað mér að kom­ast í heil­brigt sam­band við mat og átta mig á því að maður verður að borða nóg og vel til að ná sín­um mark­miðum. Ég tel nú ekki macros alla daga árs­ins en eft­ir að hafa talið í nokk­ur ár tel ég mig vera með ótrú­lega góða stjórn á mínu mataræði og leyfi ég mér orðið allt í hófi,“ seg­ir Sandra.

Er með næringarþjálfunina Ps. Árangur

Sandra er búin að setja saman girnilegan vikumatseðil fyrir lesendur sem er sérstaklega góður fyrir þá sem vilja ná árangri á æfingum samhliða því að hugsa um líkamann og þá orku sem hann þarf. Hægt er að fylgjast með Söndru og því sem hún er að gera í næringaþjálfuninni Ps. Árangur hér.

Mánudagur – Lax að hætti eldhúsgyðjunnar

„Ekkert betra en að byrja nýja viku á góðum fisk.“

Girnilegur laxinn. Ljósmynd/Nigella Lawson

Frétt af mbl.is

Mirin gljáður lax að hætti eldhúsgyðjunnar

Þriðjudagur – Sterkur núðluréttur að hætti Söndru

„Hér er uppskrift að mínum eigin núðlurétt sem er sterkur og rífur. Hann er í algjöru uppáhaldi hjá mér er fullkominn á þriðjudagskvöldi.“

Núðlurétturinn hennar Söndru er í miklu uppáhaldi hjá henni. Ljósmynd/Sandra Erlingsdóttir

Miðvikudagur – Píta með heimagerðri pítusósu

„Okkur finnst mjög gott að fá okkur einn vegan rétt á viku og miðvikudagar eru góðir dagar fyrir vegan.“

Ómótstæðilegar pítur með heimagerðri pítusósu. Ljósmynd/Tinna Þorradóttir

Frétt af mbl.is

Guðdómleg píta með heimagerðri pítusósu

Fimmtudagur – Kjúklingaréttur með sriracha sósu

„Leikum okkur með mismunandi rétti enn þessi er einfaldur og hrikalega góður.“

Æðislegur kjúk­linga­rétt­ur með sriracha- majó. Ljósmynd/Tinna Þorradóttir

Frétt af mbl.is

Geggjaður kjúklingaréttur með sriracha mayói

Föstudagur – Djúsí próteinpítsa

„Hér er það svo vinsæla skyrpitsan frá Helgu Möggu macros vinkonu okkar Ps. Árangurs.“

Djúsí próteinpítsur sem steinliggja. Ljósmynd/Helga Magga

Frétt af mbl.is

Djúsí prótínpítsa sem stelur senunni

Laugardagur – Kjúklingavefjur

„Leikdagur og þá er það einföld kjúklingavefja.“

Fjölskylduvænar kjúklingavefjur. Ljósmynd/Berglind Guðmunds

Frétt af mbl.is

Kjúklingavefjurnar sem krakkarnir elskuðu

Sunnudagur – Ljúffengur kjúklingaborgari

„Við elskum góðan hamborgara, sérstaklega kjúklingaborgara og þessi hér í algjöru uppáhaldi.“

Ómótstæðilegir kjúklingaborgara sem enginn verður svikinn af. Ljósmynd/Hildur Rut Ingimars

Frétt af mbl.is

Fáránlega góður kjúklingaborgari