Útför Reykjavíkurborgar fór fram við hátíðlega athöfn í Tjarnarbíói á laugardag. Kerti voru tendruð og samsöngur fór fram.

Heimdallur, fé­lag ungra sjálf­stæðismanna í Reykja­vík, stóð fyrir útförinni. Með henni vildi félagið vekja athygli á því sem það telur vera í ólagi hjá borginni.

„Reykja­vík hef­ur í mörg ár verið í ólagi. Ungt fólk, eins og ég og þú, eig­um litla von á því að geta keypt okk­ur heim­ili. Grunnþjón­ust­an er í volli, hvort sem við erum að tala um leik­skóla eða sorp­hirðu. Sam­göng­urn­ar virka ekki og borg­ar­lín­an, sem á nú að bjarga miklu, hef­ur verið á leiðinni í millj­ón ár en virðist hvergi vera,“ seg­ir Júlí­us Viggó Ólafs­son, formaður Heimdall­ar, í mynd­bandi sem félagið birti á sam­fé­lags­miðlum fyrir viðburðinn.

Fjöldi sjálfstæðismanna mætti á viðburðinn. Eins og sjá má á myndum sem fylgja hér að neðan var fín stemning. Sjálfstæðismenn kvöddu borgina allavega ekki með tárvot augu. Þeir halda í vonina.