Guðmundur Birkir Pálmason hefur sett svip sinn á íslensk samfélag eftir að hann flutti heim frá Svíþjóð 2012 þar sem hann lærði að vera kírópraktor við Karolinska Institutet. Félagsmiðilinn Instagram var nýlega kominn til sögunnar á þessum tíma og ákvað hann að markaðssetja sig sem Gummi kíró. En hver er þessi maður sem þorir að klæða sig öðruvísi en hinir og er óhræddur við álit annarra? Hann svarar þeim spurningum í Dagmálum.

„Ég er alltaf ég sjálfur“

„Ég man þegar ég var búinn með stúdentinn og var að reyna að finna út úr því hvað ég vildi gera. Mig langaði til að hjálpa fólki og var að hugsa um að fara í lækninn, lýtalækninn eða sjúkraþjálfarann en ég var einkaþjálfari á þeim tíma,” segir Gummi sem vann fyrir sér meðan hann var í menntaskóla með því að einkaþjálfa fólk.

„Þegar ég datt inn í kírópraktorina þá áttaði ég mig á því að þetta væri það sem ég vildi gera. Mig langar að hjálpa fólki á þennan hátt, í raun og veru með minni getu, með höndunum og án þess að gefa fólki lyf til þess að bæta sína heilsu eða fara undir hnífinn,” segir hann.