Kona lést eftir árás Úkraínuhers á rússneska héraðið Kúrsk í nótt.

Eldur kviknaði í íbúðarhúsi af völdum sprengingar með þeim afleiðingum að konan lést og eiginmaður hennar hlaut mikil brunasár.

Roman Starovoyt, ríkisstjóri Kúrsk, sagði að hersveitir Úkraínu hefðu skotið á þorpið Kulbaki, sem er um tíu kílómetra frá landamærum Úkraínu. Sagði hann einnig að dróni hefði fallið á olíubirgðastöð.

Frétt af mbl.is

Rússar skutu niður 47 dróna

Ellefu særðust í Úkraínu

Úkraínumenn segjast hafa skotið niður 35 rússneska dróna víðs vegar um Úkraínu í nótt og að minnst 11 manns hafi særst, þar á meðal 16 ára drengur. Þá skemmdust 17 háhýsi.

Drónarásirnar voru gerðar á mið- og suðurhluta landsins, en flugskeytaárásir á Karkív og Dónetsk í austri.