Sprengja sprakk á kjörstað í suðurhluta Úkraínu sem Rússar hafa hernumið. Enginn lést.

Forsetakosningarnar í Rússlandi fara núna fram þar sem Vladimír Pútín forseti mun að öllum líkindum tryggja sér endurkjör.

Frétt af mbl.is

Gengið til kosninga í Rússlandi

„Í Skadovsk var sprengiefni komið fyrir í ruslatunnu fyrir framan kjörstað. Það sprakk. Enginn lést eða slasaðist,” sagði í tilkynningu frá umsjónarmönnum kosninganna í héraðinu Kerson.

Frá kjörstað í Moskvu. AFP/Stringer

Rússneskar hersveitir sögðu einnig að Úkraínumenn hefðu skotið á kjörstað í borginni Kakhovka.

Frétt af mbl.is

Hvetur fólk til að kjósa á „erfiðum“ tímum

Kastaði Molotov-kokteil

Í St. Pétursborg í Rússlandi kastaði kona Molotov-kokteil á skóla sem var notaður sem kjörstaður vegna kosninganna.

Konan er á þrítugsaldri og var hún handtekin af lögreglunni. Enginn slasaðist.