María Sakharóva, talskona rússneska utanríkisráðuneytisins, segir Ísland þjálfa úkraínska sjóliða á yfirráðasvæði sínu. Segir hún málaliða frá Íslandi ferðast til Úkraínu.
María Sakharóva, talskona rússneska utanríkisráðuneytisins, segir Ísland þjálfa úkraínska sjóliða á yfirráðasvæði sínu. Segir hún málaliða frá Íslandi ferðast til Úkraínu.
María Sakharóva, talskona rússneska utanríkisráðuneytisins, segir Ísland þjálfa úkraínska sjóliða á yfirráðasvæði sínu. Segir hún málaliða frá Íslandi ferðast til Úkraínu.
Þetta er haft eftir henni í færslu, sem utanríkisráðuneyti Rússlands hefur birt á X, þar sem stuðningur Íslands við Úkraínu er gagnrýndur og Ísland sagt styðja úkraínska nasista.
Þá er dregið í efa hve friðsamt Ísland er í færslunni.
„Hið ó-svo „friðsama“ Ísland reynir þannig að halda í við æðri bandamenn sína við að styrkja úkraínska nasista.“
Ísland hefur tekið að sér þjálfun úkraínskra sjóliðsforingjaefna sem fá verklega þjálfun við Ísland í siglingafræði, eftirliti og aðgerðum á hafi, meðal annars leit og björgun.
Verkefnið er hluti af þjálfunarverkefni Atlantshafsbandalagsins.
Utanríkisráðuneyti Rússlands merkti sendiráð Rússlands á Íslandi og íslenska utanríkisráðuneytið í færslunni. Rússneska sendiráðið deildi einnig færslunni á eigin reikningi.
Bjarni Benediktsson utanríkisráðherra kynnti í gær þingsályktunartillögu um stefnu um stuðning við Úkraínu til fimm ára.