Virknin í eldgosinu við Sundhnúkagíga virðist vera svipuð og hún var í gærkvöldi. Hraunið virðist áfram renna til suðurs eftir að það hafði áður runnið lítillega til norðurs.

Frétt af mbl.is

Land risið um 2-3 cm frá páskum

Hraunið fer þó ekki langt, heldur mallar það nálægt gígnum, að sögn Bjarka Kaldalóns Friis, náttúruvársérfræðings á Veðurstofu Íslands.

Ljósmynd/Hörður Kristleifsson

Gasmengun mældist mjög lítil í nótt og fór ekki upp fyrir hættumörk. Vindáttin breytist í vestanátt seinnipartinn í dag og í kvöld. Einhver mengun gæti farið m.a. yfir Bláa lónið, Sandvík og Hafnir.

Á morgun er spáð suðaustanátt og þá gæti mengun farið yfir Reykjanesbæ.