ESB leggur til róttæka uppstokkun á vínrækt í Evrópu

Þrúgur tíndar í le Clos Saint Vincent-víngarðinum í Bellet í ...
Þrúgur tíndar í le Clos Saint Vincent-víngarðinum í Bellet í Frakklandi. Reuters
Framkvæmdastjórn Evrópusambandsins mun í dag leggja fram tillögur um róttæka uppstokkun á vínrækt í álfunni, en markmiðið er að tryggja framtíð vínframleiðslunnar í síðharðnandi samkeppni við vín frá löndum eins og Chile, Bandaríkjunum og Suður-Afríku.

Tillögurnar miða að því að leggja áherslu á gæðavín og draga úr framleiðslu á ódýrari vínum. Lagt er til að vínrækt verði hætt á um einum sjötta af evrópskum vínekrum, eða um 400.000 hekturum. Alls þekja evrópskar vínekrur um 3,4 milljónir hektara. Verja á um tveim milljörðum evra í niðurgreiðslur til vínbænda fyrir að loka vínekrum.

Nýjaheimsvín hafa snaraukið markaðshlutdeild sína undanfarið, úr 1,7% af útflutningi í heiminum í byrjun níunda áratugarins, í rúmlega 20% nú, samkvæmt könnun alþjóðlegra vínræktarsamtaka. Við þetta bætist að neysla á víni hefur dregist saman í Evrópu, þannig að markaður evrópskra vínbænda hefur bæði minnkað og samkeppnin harðnað.

Offramleiðsla á víni hefur verið aðal vandamálið í evrópskri vínrækt, og telur framkvæmdastjórn ESB að offramleiðslan nemi nú alls um 8,4% af allri vínframleiðslu í álfunni. Um helmingur allrar vínframleiðslu í heiminum fer fram í Evrópu.

Væntanlegar tillögur framkvæmdastjórnarinnar hafa þegar sætt harðri gagnrýni. Stærstu samtök evrópskra vínbænda, Copa-Cogeca, sakar framkvæmdastjórnina um að vilja „má út fortíðina“ og reyna að rústa „aldagamalli vínmenningu Evrópu“.

mbl.is

Bloggað um fréttina

STIGAR OG HANDRIÐ ALLAR MÖGULEGAR GERÐIR
Fleiri myndir af stiganum á meðfylgjandi mynd eru í möppu 110 á Fésinu okkar, (...
Vatnshitarar fyrir sumarhús.
Ýmsar gerðir af vatnshiturum 3300w til 24000w fyrir sumarhús, þessi búnaður er f...
EIGUM ALLSKONAR STIGA Á LAGER
Einnig sérsmíði, sjáið úrvalið t.d. á: www.sogem-stairs.com/en_home-home.php L...
www.flutningur.is 5753000 sendibilastöð
Sendibílaþjónusta. Kranabíll. Pianoflutningar. Gámaflutningar og gámaleiga. Kri...