Hreinsaður af grun um morð

Lögregla í Danmörku hefur látið lausan 48 ára gamlan karlmann, sem handtekinn var í byrjun ársins grunaður um að hafa myrt tvítuga stúlku í Herning á Jótlandi. DNA-rannsóknir leiddu í ljós, að maðurinn var saklaus. 

Stúlkan, sem hét  Maria Møller Christensen, fannst á nýársdag látin í þvottaherbergi í kjallara fjölbýlishúss í borginni. Íbúi í húsinu var handtekinn daginn eftir og úrskurðaður í gæsluvarðhald. Honum var sleppt í gær.  

Það hefur vakið talsverða athygli í Danmörku, að Ekstra Bladet birti í gær nafn mannsins og mynd af honum á fréttavef sínum og eru nafnið og myndin einnig birt í prentaða blaðinu í dag.

Maria Møller Christensen, var að skemmta sér um áramótin með félögum sínum á stúdentagarði í Herning. Hún hvarf þaðan um miðnætti á nýársnótt og fór út í kuldann skólaus og illa klædd. Hún fannst síðan látin í þvottahúsinu síðdegis daginn eftir.

Lögregla sagði í dag, að talið væri að stúlkan hafi verið mjög ölvuð og hún hafi væntanlega villst á leiðinni heim. Fram kom í dag, að stúlkunni hafði verið misþyrmt kynferðislega og hún síðan kyrkt.

mbl.is

Bloggað um fréttina

NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
INTENSIVE ICELANDIC, ENGLISH, NORWEGIAN & DANISH f. foreigners - ÍSLENSKA f.útl - ENSKA - NORSKA
ÍSLENSKA, ENSKA, NORSKA, DANSKA: I, II, III, IV, V, VI: 2019:SPRING/VORÖNN: ...
Kommóða
Til sölu 3ja skúffu kommoða,ljós viðarlit.. Mjög vel útlítandi..Verð kr 2000.. ...
Kommóða
Kommóða til sölu.3ja skúffu ljós viðarlit.. Mjög vel útlítandi..Verð kr 2000. ...