Handtekinn með fílabein

Taílenskur lögreglumaður var handtekinn í gær þegar hann reyndi að smygla úr landinu 20 fílabeinum. Ekki er ljóst hvaðan hornin komu en alþjóðlegt bann var sett á viðskipti með hornin árið 1989.

Engu að síður er mikil eftirspurn eftir fílabeinum í Asíu og miðausturlöndum. Eru þau notuð í lyf og ýmis smyrsl.

Viðskipti með fílabein eru leyfð í undantekningartilfellum í Tælandi og er talið að smyglarar nýti sér holu í löggjöfinni og láti sem beinin séu af sjálfdauðum taílenskum fílum. Þannig séu þau flutt á milli og seld.  

Dýraverndarsamtök hafa fagnað því að tekist hafi að stöðva sendinguna og hrósa lögreglunni í Tælandi fyrir að taka baráttu gegn ólöglegum fílabeinsviðskiptum alvarlega.  
         

AFP segir frá.

• 1 blogg um fréttina

Bloggað um fréttina

• Sigurður R Jónsson: Fílahorn