Varar Kristilega þjóðarflokkinn við

Erna Solberg, forsætisráðherra Noregs.
Erna Solberg, forsætisráðherra Noregs. AFP

„Það kostar sitt að fella ríkisstjórn. Það vitum við öll af fyrri reynslu,“ hefur norska ríkisútvarpið NRK eftir Ernu Solberg, forsætisráðherra Noregs, en þar vísar hún til yfirlýsinga frá Kristilega þjóðarflokknum að til þess gæti komið að flokkurinn myndi fella nýja ríkisstjórn landsins einhvern tímann á því kjörtímabili sem nú er að hefjast.

Þingkosningar fóru fram í Noregi í gær þar sem borgaralegu flokkarnir, Hægriflokkurinn, Framfaraflokkurinn, Frjálslyndi flokkurinn (Venstre) og Kristilegi þjóðarflokkurinn, héldu meirihluta á Stórþinginu. Þó með sjö færri þingmenn. Fráfarandi ríkisstjórn var minnihlutastjórn Hægriflokksins og Framfaraflokksins með stuðning hinna tveggja. Frjálslyndi flokkurinn íhugar nú að taka sæti í nýrri ríkisstjórn.

Stjórnarmyndunarviðræður hefjast brátt en Solberg hefur lagt ríka áherslu á að allir fjórir borgaralegu flokkarnir hafi áhrif á stefnu nýrrar ríkisstjórnar hvort sem þeir muni eiga beina aðild að henni eða verja hana falli. Hún segir við NRK að það sé undir flokkunum sjálfum komið hvort ný stjórn sitji út kjörtímabilið og fyrir vikið sé mikilvægt að tryggja góða samvinnu allra flokkanna og að finna góðar lausnir í sameiningu.

Fram kemur í fréttinni að Kristilegi þjóðarflokkurinn hafi þó engin áform uppi um að gera alvöru úr því að fella nýja ríkisstjórn á einhverjum tímapunkti en hefur lýst yfir fyrirvörum við að styðja áfram ríkisstjórn með sem Framfaraflokkurinn eigi aðild að. Það skipti máli að ný stjórn verði ekki aðeins hægristjórn heldur mið-hægristjórn.

Solberg segir ekkert liggja fyrir um skiptingu ráðherrastóla. Stóra verkefnið framundan sé fjárlagafrumvarpið. Flokkarnir hafi ágætt svigrúm til þess að ná samkomulagi. „Við munum hittast, tala saman, fara yfir pólitíkina og finna samstarfsgrundvöll til framtíðar.“ Sjálf myndi Solberg vilja mynda stjórn með þátttöku allra flokkanna en ólíklegt er talið að til þess komi í þetta sinn. 

mbl.is

Bloggað um fréttina

Frá Sýrlandi til Evrópu - Greinaflokkur

Vatnstúrbínur
Getum boðið allar gerðir af turbínusettum Hagstætt verð. Vélasala Holts Snæ...
Range Rover SPORT 2015
EINN MEÐ ÖLLU: Glerþak, 22" felgur, rafm. krókur, stóra hljómkerfið, rafmagn í h...
Mercedes Benz
Mercedes Benz Sprinter Maxi 316 CDi. Framl. 07.2016. Ekinn 11 þús km. 4x4. Hátt ...
Rafhlöður fyrir neyðarljós allar gerðir
Með lóðeyrum, vírum eða tengjum. Smíðum allar gerðir af neyðarljósarafhlöðum . N...
 
Eldri borgarar
Staður og stund
Aflagrandi 40 Opin vinnustofa kl. 9, for...
Félagsstarf
Staður og stund
Aflagrandi 40 Opin vinnustofa kl 9 og ka...
Aðalfundur isnic 2018
Fundir - mannfagnaðir
Aðalfundur ISNIC 2018 Aðalfundur Inter...
Fundur
Fundir - mannfagnaðir
Fulltrúaráð sjálfstæðisfélaganna...