„Þið munið sjá eftir ákvörðun ykkar“

Jean-Claude Juncker, forseti framkvæmdastjórnar ESB, í Evrópuþinginu í dag.
Jean-Claude Juncker, forseti framkvæmdastjórnar ESB, í Evrópuþinginu í dag. AFP

Forseti framkvæmdastjórnar Evrópusambandsins, Jean-Claude Juncker, sagði í Evrópuþinginu í dag að sá dagur kæmi að Bretar myndu sjá eftir því að hafa sagt skilið við sambandið.

Fram kemur á fréttavef breska dagblaðsins Daily Telegraph að Juncker hefði áður en ummælin féllu rifjað upp að rétt rúmt ár væri þar til Bretland yfirgæfi Evrópusambandið (Brexit) formlega.

Þingmenn Breska sjálfstæðisflokksins (UKIP) fögnuðu þegar Juncker rifjaði þetta upp og sagði þá forsetinn: „Sá tími mun koma þegar þið munið sjá eftir ákvörðun ykkar.“

Við því brugðust þingmennirnir með hlátrasköllum.

mbl.is
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Ljósmyndanámskeið fyrir byjendur
Flott námskeið fyrir þá sem vilja læra á myndavélina og ná enn betri myndum. ...
LAND ROVER DISCOVERY 3 S, sjálfsk., disel, 7 manna
Til sölu LAND ROVER DISCOVERY 3 S, sjálfskiptur, dísel, 7 manna ekinn 197.000 km...