Risatyppi veldur usla

AFP

Risavaxinn blár limur hefur valdið miklum usla meðal íbúa í Stokkhólmi en um er að ræða fimm hæða veggverk á hlið fjölbýlishúss í borginni.

Samþykkt hefur verið að mála yfir verkið aðeins innan við viku eftir að það kom fyrir sjónir almennings. Fjallað er um málið í Aftonbladet ogGuardian fyrir helgi.

AFP

Þar kemur fram að stjórnendur fyrirtækisins sem á bygginguna, Atrium Ljungberg, hafi fyrst séð listaverk  Carolina Falkholt á miðvikudagsmorgun líkt og aðrir íbúar höfuðborgarinnar á Kungsholmen. Byggingin er við Kronobergsgatan.

„Menning og listir eru mikilvæg til þess að skapa spennandi umhverfi í skipulagi,“ segirCamillaKlimt, markaðsstjóri fyrirtækisins. Að sjálfsögðu skiptir frelsi listamannsins okkur máli en á sama tíma verðum við að virða skoðanir nágranna,“ bætir hún við og segir að málað verði yfir verkið.

Verk Carolina Falkholt.
Verk Carolina Falkholt. AFP

Einhverjir hafa tekið verkinu fagnandi en aðrir eru afar ósáttir. Allt frá árinu 2008 hefur Atrium Ljungberg veitt listamönnum í nágrenninu frelsi til þess að skreyta vegg fjölbýlishússins. Yfirleitt fá verkin að standa í hálft ár þangað til næsta verk birtist á vegg hússins. En nú er það innan við vika.

Falkholt segist hafa vonast til þess að bláa typpinu yrði betur tekið heldur en svipuðu verki af bleiku typpi á Manhattan í New York í desember. Málað var yfir verkið í New York eftir þrjá daga þrátt fyrir að það hafi átt að fá að vera til sýnis í þrjár vikur. Ástæðan, líkt og í Stokkhólmi, voru kvartanir frá nágrönnum. 

Verkið hefur heldur betur vakið athygli.
Verkið hefur heldur betur vakið athygli. AFP
mbl.is
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
Heimili í borginni ...Eyjasol ehf.
3ja herb. íbúðir í austurborginni. Gisting fyrir 4-6. Lausir dagar. Góð gisting ...
Einyrki-Launakerfi.Launaseðlar í Excel
Töflukerfi í MS-Excel fyrir Launaútreikn,Launaseðla, Skilagr RSK og Lífeyrissj. ...
Bækur til sölu
Bækur til sölu Adventures of Huckleberry Finn 1884, 1. útg., Fornmannasögur 1-12...