Vonast eftir samkomulagi fyrir mánaðamót

Salvini (t.v.) og Seehofer (t.h.) ræða við blaðamenn í borginni ...
Salvini (t.v.) og Seehofer (t.h.) ræða við blaðamenn í borginni Innsbruck í Austurríki í kvöld. AFP

Innanríkisráðherra Þýskalands, Horst Seehofer, segist vonast til þess að ná samkomulagi við Ítali um málefni flóttamanna og farandfólks fyrir lok þessa mánaðar. Þetta sagði Seehofer við blaðamenn í borginni Innsbruck í Austurríki í kvöld eftir fund með Matteo Salvini, innanríkisráðherra Ítalíu.

Ríkin tvö hefur greint á um flutning flóttafólks frá Þýskalands til Ítalíu, sem fyrsta komustaðar þeirra innan Evrópusambandins. Seehofer segir að embættismenn ríkjanna muni hittast „mjög fljótlega“ til að ræða málið, samkvæmt AFP-fréttaveitunni.

Að ná samkomulagi við Ítali um að taka aftur við hluta þeirra flóttamanna sem leita hælis í Þýskalandi er veigamikill þáttur í málamiðluninni sem Angela Merkel Þýskalandskanslari náði við Seehofer um innflytjendamál, en deilur þeirra tveggja um málefnið ógnuðu ríkisstjórnarsamstarfinu í Þýskalandi fyrir síðustu mánaðamót.

Matteo Salvini segir að hann og Seehofer hafi sömu markmið í málefnum flóttamanna og að þeir vilji báðir stuðla að færri komum og færri dauðsföllum á Miðjarðarhafi. Hann lagði einnig áherslu á það að hann vildi sjá ESB gera meira til þess að tryggja ytri landamæri sín, áður en Ítalir myndu samþykkja að taka við fleiri flóttamönnum.

„Áður en við tökum við einum einasta innflytjanda til Ítalíu viljum við að Evrópa verndi ytri landamæri sín. Þegar það raungerist, þá getum við talað um restina,“ sagði Salvini, sem sagðist einnig ætla að beita sér fyrir samkomulagi á milli ESB og ríkja í Afríku um að þau taki aftur við fólki sem ríki Evrópusambandsins vilji vísa burt.

mbl.is
Sólbaðsstofa Súper sól
Enduropna Sólbaðsstofu Súper sól í Hólmaseli 2, 109 Reykjavík. Nýir sól- og ko...
isl-stáleldhúskollar ódýrir
er með nokkra ódýra eldhús-kolla á 5,500 kr STYKKIÐ sími 869-2798...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...
Perlur sem ekki þarf að strauja !!
Nýtt á Íslandi, perlur sem ekki þarf að strauja, einungis sprauta vatni á og þær...