Ísraelskum eldflaugum var skotið á flugvöllinn í Damaskus í Sýrlandi í dag. Loftvarnarkerfi fór í gang og skaut flaugarnar niður, segir í frétt sýrlenska ríkisfjölmiðilsins, SANA.

Engar upplýsingar um skemmdir eða mannfall fylgdu fréttinni sem höfð var eftir heimildarmanni. Fréttinni fylgdi þó myndband sem sýndi að loftvarnarkerfið fór í gang. Á myndbandinu má sjá sprengjublossa á himni.

Fréttaritari AFP-fréttastofunnar í Damaskus segist hafa heyrt háværan hvell og fleiri minni sprengingar í kjölfarið. Ísraelski herinn hefur neitað að tjá sig um málið.

Nýverið viðurkenndu Ísraelar að hafa gert yfir 200 árásir í Sýrlandi síðustu átján mánuði. Segja þeir Írana hafa verið skotmörkin en stjórnvöld í Sýrlandi hafa notið liðsinnis þeirra í stríði sínu.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt