Handtóku formlega fyrrum forstjóra Interpol
Setja bókamerki
Kínversk yfirvöld handtóku formlega Meng Hongwei, fyrrverandi forstjóra Interpol, vegna gruns um að þiggja mútur. Hann á yfir höfði sér ákæru fyrir meinta spillingu og verður hún líklega lögð fram fljótlega. Meng var einnig vararáðherra almannaöryggismála Kína.
Það vakti miklar áhyggjur alþjóðasamfélagsins er Meng hvarf, að því er virtist sporlaust í september í fyrra. Eiginkona hans tilkynnti að hans væri saknað eftir að hann fór í ferð heim til Kína, en Meng hjónin voru búsett í Frakklandi þar sem höfuðstöðvar Interpol eru, þegar þetta átti sér stað.
Fljótlega eftir hvarf hans sagði hann af sér sem forstjóri Interpol eftir að greint var frá að hann væri í haldi kínverskra yfirvalda. Í október sökuðu kínversk stjórnvöld hann um að þiggja mútur.
Meng var rekinn úr Kommúnistaflokknum og sviptur öllum stöðum sem hann gegndi fyrir kínversku stjórnina. Kínversk stjórnvöld rannsaka einnig samflokksfélaga hans og samstarfsmenn sem tengjast honum á einn eða annan hátt.
Gagnrýnendur segja mál Meng, skyndilega uppsögn hans úr starfi og brottrekstur hans úr Kommúnistaflokknum, sé runnið undan rifjum forseta landsins Xi Jinping sem stundi það að ryðja pólitískum óvinum sínum úr vegi.
Yfir milljón manns hefur verið refsað vegna pólitískra skoðanna sinna á þeim sex árum sem Jinping hefur setið á valdastóli.
Laugavegur hjólaferðamannsins að fæðast
Fjallabak, Sprengisandur og niður í Eyjafjörð
Forsetinn líti yfir axlirnar á þingheimi
Sennilega gróðureldur, ekki ný sprunga
Ólíkt ákall fólks á landsbyggðinni
Gosopið gæti stækkað á ný: „Eitthvað í aðsigi“
Bregðast við vopnahléstillögu á morgun
Þetta eru hjólaframkvæmdirnar sem unnið er að