Hryðjuverkasamtökin Ríki íslams hafa lýst yfir ábyrgð á sprengjuárás skammt frá mosku sjíta í borginni Karbala í Írak í gær. Í árásinni létust að minnsta kosti 12 og fimm til viðbótar særðust. Sprengjan sprakk um borð í strætó við landamærin norður af borginni.
Einn maður var handtekinn grunaður um að hafa komið sprengjunni fyrir í ökutækinu, samkvæmt upplýsingum frá lögreglu.
Írakar lýstu yfir sigri á hryðjuverkasamtökunum Ríki íslams árið 2017 eftir þriggja ára blóðuga baráttu við öfgasinnaðra súnníta sem réðust á sjíta. Mikill meirihluti Íraka er sjítar.
Undanfarið hafa öfgahópar beitt skæruárásum á ríkisbyggingar víða um landið, einkum við landamæri. Á síðustu árum hafa fáar árásir verið gerðar á moskur sjíta. Mannskæðasta árásin var fyrr í þessum mánuði þegar 30 létust og fjölmargir slösuðust í pílagrímsferð til borgarinnar heilögu.
Fleiri hundruð sjítapílagrímar frá Írak, Íran og Indlandi halda áfram að streyma inn í suðurhluta borgarinnar í þessum mánuði vegna ashura, trúarhátíðar síjamúslima.