Sophie Gregoire-Trudeau, eiginkona Justins Trudeaus, forsætisráðherra Kanada, hefur verið greind með kórónuveiruna. Hjónin hafa sætt sóttkví um nokkurn tíma eftir að í ljós kom að Sophie hafði átt í samskiptum við smitaðan einstakling á opinberri samkomu.

Skrifstofa forsætisráðherrans staðfesti þetta í gærkvöldi en fullyrt er að hann sé við góða heilsu. Þá eru einkenni eiginkonu hans sögð væg.

Fram kemur jafnframt í tilkynningu skrifstofunnar að ekki verði tekið sýni úr Justin Trudeau vegna kórónuveirunnar, en hann sýnir engin einkenni.

150 tilfelli kórónuveiru hafa verið staðfest í Kanada og eitt dauðsfall. Forsætisráðherrann heldur áfram að sinna skyldum sínum úr einangruninni og mun ávarpa þjóðina á morgun, laugardag.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt