Kínversk stjórnvöld hafa nú tilkynnt að önnur bylgja kórónuveiru gæti verið hafin í norðausturhluta Kína en borgin Shulan í Jilin-héraði hefur nú verið skilgreind sem hættusvæði. Nýtt tilfelli hefur einnig greinst í Wuhan.

Embættismenn í Jilin juku hættustig Shulan úr miðlungs í hátt í gær en daginn áður hafði hættustigið verið hækkað úr lágu í miðlungs eftir að kona greindist smituð á fimmtudag. Guardian greinir frá þessu.

Frétt af mbl.is

Eitt dauðsfall í Kína af völdum veirunnar síðustu þrjár vikur

Ellefu ný tilvik voru staðfest í Shulan í gær en þau má öll rekja til konunnar. Sóttvarnaráðstafanir hafa verið auknar í borginni, skólum hefur verið lokað og eru nú ónauðsynleg ferðalög óheimil.

Nýju tilfellin 11 gerðu heildarfjölda nýstaðfestra tilfella í Kína í gær að fjórtán. Er það mesti fjöldi nýgreindra smita síðan 28. apríl. Meðal þeirra var fyrsta tilfellið í meira en mánuð sem greindist í Wuhan í miðju Hubei-héraði þar sem veiran greindist fyrst í lok síðasta árs.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Margir óvissuþættir skapa óvissu, svo sem "sænska leiðin."