Tveir til viðbótar handteknir í Vín
Setja bókamerki
Austurrískir saksóknarar greindu frá því í dag að tveir til viðbótar hefðu verið handteknir í tengslum við hryðjuverkaárásina sem framin var í höfuðborginni Vín 2. nóvember.
Mennirnir voru handteknir á föstudag. Annar þeirra er 26 ára gamall austurrískur ríkisborgari af afgönskum uppruna, en ekki var greint frá þjóðerni hins. Farið verður fram á að mennirnir tveir verði í haldi fram að réttarhöldum í málinu.
Hryðjuverkaárásin var sú fyrsta í Austurrríki í áratugi, en það var tvítugur öfgatrúarmaður sem framdi skotárás í miðborg Vín og varð fjórum að bana í síðasta mánuði. Hann var skotinn til bana af lögreglu á vettvangi árásarinnar.
Átján hafa síðan verið handteknir í tengslum við hryðjuverkaárásina í Austurríki og í Sviss, og tveimur moskum í Vín verið lokað.
Mál hjúkrunarfræðingsins fer aftur fyrir héraðsdóm
Krefjast stöðvunar framkvæmda
Strand skemmtiferðaskips kallar á erlenda aðstoð
Skaut sex sinnum að feðginum á aðfangadagskvöld
Vonast til að tjaldbúðir við HÍ standi áfram
Banna mengandi búnað sem leyfður er á Íslandi
Hvorki sést áður hér á landi né annars staðar