Forsætisráðherra Ítalíu segir af sér

Giuseppe Conte, forsætisráðherra Ítalíu.
Giuseppe Conte, forsætisráðherra Ítalíu. AFP

Giuseppe Conte forsætisráðherra Ítalíu mun segja af sér á morgun, þriðjudag, í kjölfar gagnrýni á viðbrögð hans við kórónuveirufaraldrinum. Yfir 85 þúsund Ítalir hafa látist af völdum Covid-19. 

Conte vonast til þess að fá umboð forseta Ítalíu til þess að mynda ríkisstjórn að nýju, eftir að ríkisstjórn hans missti meirihluta sinn á ítalska þinginu. Nái Conte ekki að mynda ríkisstjórn eru allir líkur á að boðað verði til kosninga. 

Fram kemur á BBC að Conte fundi með ráðherrum sínum í fyrramálið og upplýsir þá um afsögn sína. 

Conte, sem hefur verið forsætisráðherra frá árinu 2018, stóð af sér vantrauststillögu á ítalska þinginu í síðustu viku. 

 
mbl.is