Skipverja sem féll fyrir borð tókst að halda lífi með því að ná taki á „hluta af sjávarrusli“, sagði sonur hans.
Vidam Perevertilov eyddi fjórtán klukkustundum í sjónum eftir að hann féll fyrir borð af vöruflutningaskipi í Kyrrahafi snemma morguns.
Skipverjinn, sem er 52 ára, var ekki í björgunarvesti. Hann segir ákvörðun sína um að synda í átt að „svörtum bletti“ þó nokkra kílómetra í burtu hafa bjargað lífi sínu.
Í ljós kom að „svarti bletturinn“ reyndist vera bauja sem hann hélt sér í þangað til honum var bjargað, að sögn BBC.
„Hann leit út fyrir að vera um 20 árum eldri og mjög þreyttur en hann var á lífi,“ sagði sonur hans Marat við nýsjálensku fréttasíðuna Stuff.
Perevertilov er litháenskur vélstjóri Silver Supporter, sem var á leið frá Tauranga á Nýja-Sjálandi til Pitcairn, sem er á bresku yfirráðasvæði.