Erlent | mbl | 31.5.2021 | 22:15

Afbrigðin verði kennd við bókstafi en ekki lönd

Höfuðstöðvar Alþjóðaheilbrigðisstofnunarinnar í Genf. AFP

Alþjóðaheilbrigðisstofnunin kynnti í dag nýtt nafnakerfi á afbrigði Covid-19 veirunnar. Nú verða þau kennd við bókstafi gríska stafrófsins í stað upprunalands.

Þannig mun nafnið Alfa-afbrigðið koma í stað breska afbrigðisins og Beta-afbrigðið í stað suðurafríska. Alþjóðaheilbrigðisstofnunin segir nafnakerfinu ætlað að einfalda umræður um afbrigðin og draga úr fordómum.

Frétt af mbl.is

Lítið vitað um indverska afbrigðið

Alpha, Beta, Gamma og Delta

Hingað til hefur Alþjóðaheilbrigðisstofnunin sett fjögur afbrigði á lista sem „eftirtektarverð“. Þau hafa hingað til verið kennd við Bretland, Brasilíu, Suður-Afríku og Indland en munu nú heita Alfa-, Beta-, Gamma- og Delta-afbrigðin.

No country should be stigmatized for detecting and reporting variants.

Globally, we need robust surveillance for variants, incl epi, molecular and sequencing to be carried out and shared. We need to continue to do all we can to reduce the spread of SARS-CoV-2 #COVID19 @WHO
— Maria Van Kerkhove (@mvankerkhove) May 31, 2021